Igoera lortzen badugu, kalejira astelehenean!

2013-06-29 By

Eibar K.E.ak igandean igoera lortzen badu, Ustekabe fanfarreak asteleheneko ospakizunak girotuko ditu, hainbat tabernariren ekimenez.

Ustekabe fanfarreak bat egingo du Eibar K.E.aren igoerako ospakizunekin, football taldeak sailkapena lortzen badu. Igandean zorigaitzeko emaitza bat beharko luke talde armaginak igoera ez gauzatzeko, eta horretara astelehen arratsalderako ospakizunen antolakuntzan ari dira hainbat eragile. Tartean, hainbat tabernari: horien ekimenez, Ustekabe txaranga erdialdean arituko da astelehenean, arratsaldeko 6etatik aurrera.

Konpromiso sendoa dauka Ustekabek herriko kirol eta kultur elkarteekin. Aurtengo denboraldian,  ekimen propioz, kalejira egin genuen Ipuruara Athletic etorri zenean, eta ez baldin badu gehiagotan jo taldearen zuzendaritzak aproposa ez zela uste izan duelako izan da, segurtasun arrazoiengatik besteak beste.

Eibarko herriaren une historiko bat da hau. Espero dugu 1988ko igoeran bezala, horren ondotik belaunaldi oso baterako gure taldea bigarren mailan izatea… edo lehen mailara igotzea. Baina 2. mailarako igoera taldearen historiara pasako dela espero dugu, bai, eta une horretan Ustekabe hor egotea benetan berezia eta hunkigarria izango da guretzat.

PRENTSA OHARRA euskaraz eta gaztelaniaz (pdf)

AUPA EIBAR!