fbpx
aktuazioakprensa

Ustekabe fanfarreak ez du emanaldirik San Juan egunerarte

2008-05-30 By Iruzkin 1

Eibarko prentsa lokalean esan zaigu Ustekabek Urkiko jaietan joko duela gaur. Azken urteotan behin faltatu izan gara auzo honetako jaietara, eta aurten bigarren aldiz faltatu behar izango gara. Zailtasun desberdinak izan ditugula-eta, Urkiko Jaietako Komisioarekin hitz eginda egokiagoa ikusi dugu beste fanfarre batek egitea gaurko emanaldi hori.

Hala ere, badirudi programaren baten informazio okerra ageri dela, eta gure izena ikusi dugu hainbat komunikabidetan. Gure aldetik ez dugu informazio hori inon iragarri, baina hala ere barkamena eskatu nahi diegu gaur Urkira hurbiltzen diren gure zaleei.

Bide batez, eskerrak eman nahi dizkiogu Urkiko Jai Batzordeari antolatzen dituen jaiengaitik eta, batez ere, gugan urtero jartzen duen konfidantzagaitik.

Emanaldiei dagokienez, gogorarazi nahi dugu aktuazioak ditugunean webgunean jakinarazten ditugula. Bukatzeko, gogorarazi nahi dugu Ustekabe irekita dagoela parte hartu nahi duten musikari gazteei. Nahi duena gurekin harremanetan jar daiteke.


Iruzkin 1 "Ustekabe fanfarreak ez du emanaldirik San Juan egunerarte"

  1. [...] ezinezko izan zitzaigun Urkiko jaietan parte hartzea, eta ordutik hona beste fanfarre batzuk izan dira Eibarko auzo [...]


Zure iritzia partekatu nahi duzu?

Zure eposta helbidea ez da argitaratuko. Derrigorrezko eremuek * dute.

Utzi erantzuna